Um Guðna

Guðni Gunnarsson  er einn af frum-kvöðlum Íslands á sviði líkams og heilsuræktar.  Hann hefur starfað við fagið í meira en 25 ár og er m.a. fyrsti einkaþjálfarinn á Íslandi.  Nýlega hófst framleiðsla á nýju hug- og heilsuræktar-tæki sem Guðni hefur þróað undanfarin ár og nefnist Ropeyoga.

Ropeyoga er mjög öflugt kerfi, sniðið til að styrkja hug, sál og líkama í einum vetfangi.

Eftir að hafa hannað þetta nýja æfingakerfi, þá uppgötvaði Guðni fljótlega hversu öflugt heilsuræktarkerfi hann hafði í höndunum; tæki sem hjálpar m.a. fólki að losna undan bakverkjum á sama tíma og það styrkir kviðvöðvanna.  Þeir sem stunda Ropeyoga uppgötva fljótlega mikilvægi samspils hugar og líkama sem er ein aðaláhersla Ropeyoga.

Guðni gerði sér nefnilega fljótt grein fyrir því að líkamsrækt ein og sér var ekki nóg.  Megnið af því fólki sem hann þjálfaði var alls ekki ánægt með lífið.  Fólk sagðist vera ánægt en þegar öllu var á botninn hvolft þá er fólk yfirleitt ekki til staðar í núinu og lifir ekki lífinu lifandi.  Þarna var því komin grundvöllur fyrir hugmyndafræði Ropeyoga sem spilar jafn stóra rullu og líkamsræktin.

Eftir því sem Guðni grennslaðist frekar um hamingju fólks, þá varð honum ljóst að við erum alltaf ánægðust þegar við erum skapandi eða þegar við erum samkvæm sjálfum okkur og skuldbindingum okkar – þegar við erum örlát og full af orku og lifum ekki í skugga hræðslunnar.  Við erum alltaf ánægðust þegar við veljum og sköpum okkar eigin örlög.  Og það er einmitt það sem Ropeyoga gengur útá.