F y r i r t æ k i ð

Fyrirtækið Ropeyoga hefur boðið upp á einkaþjálfun fyrir einstaklinga og fyrirtæki frá því árið 1991.  Á sama tíma hefur fyrirtækið unnið að þróun Ropeyoga heilsuræktarkerfisins, sem er einstakt sinnar tegundar því kerfið býður uppá nýja gerð æfinga með aðaláherslu á kviðholsvöðvana.  Æfingarnar ganga útá að nota athygli, öndun, og átak til þjálfunarinnar, með uppbyggingu og aðgang að vöðvum og brennslu hitaeininga í huga. 

Markaðssetning Ropeyoga heilsuræktarkerfisins hófst á síðasta ári á Íslandi og hefur farið frammúr björtustu vonum aðstandenda. World Class heilsustöðin í Laugardalnum hefur boðið uppá Ropeyoga námskeið frá áramótum og hafa öll námskeiðin selst upp síðan kennsla hófst.  Nýverið hófu einnig Jassballetskóli Báru, Hress í Hafnarfirði og Stúdíó Elínar Sigurðardóttur kennslu á Ropeyoga á höfuðborgarsvæðinu.

Ropeyoga fyrirtækið hóf starfsemi sína í Bretlandi á síðasta ári í samvinnu við Lotus Lifestyle Studíóið sem er staðsett í Chelsea Harbour hverfinu í London.  Ropeyoga hefur fengið gríðarlega góð viðbrögð í breskum fjölmiðlum og hefur umfjöllun um fyrirtækið verið mjög mikil, sérstaklega í tímaritum (sjá Umfjöllun og greinar).

Vegsemd og velgengni fyrirtækisins i Bandaríkjunum hefur aukist jafnt og þétt  síðastliðin ár og á annað þúsund viðskiptavinir eru á skrá fyrirtækisins.  Fyrsta Ropeyoga studíó Guðna opnaði í Los Angeles fyrir áratug síðan.  Annað stúdíó er að opna nú um þessar mundir í Hollywood. 

Viðskipavinir Guðna hafa verið úr öllum geirum atvinnulífsins þó svo mest beri á fólki úr kvikmyndaheiminum.  Stórfyrirtæki á borð við Walt Disney Inc. hafa meðal annars verið viðskiptavinir hans.

Guðni hefur einnig þjálfað fjölda leikara í Hollywood s.s. Kim Basinger, Anne Heche, Kevin Dobson, Carla Gugion, Julie Dreyfus og Julie Kavner svo einhverjir séu nefndir.